هل نقدر نسوي تقويم للمرة الثانية او الثالثة؟
اكيد نقدر، والابتسامة الجميلة مالها عمر
لكن بعد مانتأكد من شيئين: سلامة أنسجة اللثة وسلامة الجذور
دائماً اطلب من المراجعات أشعة قبل اتخاذ هذا القرار اني اسوي معالجة ثانية او لا، ايش فايدة الأشعة؟ وايش نشوف فيها؟
نشوف فيها وضع الجذور في العظم، هل فيها تآكل او امتصاص بعد العلاج السابق او لا
طيب ياترى ايش سبب التآكل هذا؟ 
الدراسات وجدت في عوامل لها علاقة في المريض نفسه، خارج عن يد الطبيب مثل:عوامل جينية تخلي عنده هذا الامتصاص
او المرضى اللي عندهم ربو او حساسية عموما عندهم قابلية اعلى، او بعض مشاكل تطابق الاسنان الشديدة، او شكل الجذر (يعني شي خارج عن يد الطبيب والمريض)
طيب والجانب الثاني اللي هو بيد طبيب التقويم،
مثل ايش؟
١)طول فترة العلاج يؤدي الى هذا الامتصاص والتآكل ،هنا أنبه الناس اللي يسحبون على مواعيدهم ومايلتزمون! لازم ينتبهون
٢)اذا استخدم الطبيب شد بزيادة، كيف يعني؟ يعني مثلا يشد كل اسبوعين واحنا عارفين الشد بالتقويم لازم كل ٤ أسابيع عالاقل نعطي العظم والأسنان فرصة للحركة بدون لا تتآكل، وبعض الناس يعتقد كل ماشد بسرعة احسن! للأسف عواقبه سيئه والعتب على الطبيب اللي يتجاهل كل علمه بهالاشياء تحت إلحاح بعض المرضى ومايشرح لهم ويشد لهم كل اسبوعين!!
وهناك عوامل اخرى أيضاً ، لكن هذه العوامل اللي تهم المرضى وحبيت اوضحها
خلاصة الموضوع: حالات اعادة المعالجة ممتازة وناجحة لكن الفحص الاكلينيكي مهم جدا مع تقييم الأشعة.
#تقويم_اسنان
#توعيه