#التقويم_اللساني
هو تقويم مثل التقويم العادي بس نركبه من جوا من سطح الاسنان من الداخل
طيب هل نتيجته مثل التقويم العادي؟
نفس النتيجة لكن يفرق انه مافي تقويم باين وبالتالي الناحية الجمالية ١٠٠٪
هل يضايق؟ في البداية يضايق في النطق واللسان وبعدها يتعود الشخص عليه
هل كل أطباء التقويم يسوونه؟
لا مو الجميع وأطباء محدودين اللي يسوونه لانه يحتاج تدريب مختلف
كيف طريقته ؟ اخذ طبعة للمريض ونرسلها للمعمل الخاص بألمانيا ليتم صب الطبعة وصناعة حبات التقويم الداخلي لكل مريض لوحده ثم يرسلونها لنا وتأخذ تقريبا ٣ أسابيع فقط.
طيب هل في عيوب، عيبه الوحيد انه مكلف مقارنة بالتقويم العادي لانه يرسل لألمانيا وايضاً ياخذ مننا وقت في العيادة اكثر من التقويم العادي نوعا ما، ويحتاج أدوات خاصة .
طيب مين اكثر ناس يطلبونه؟
ألاحظ في العيادة اكثر مريضاتي اللي يطلبونه هم من ٣فئات
١)اللي سووا تقويم قبل كذا ويبون يسوون مرة ثانية لكن مايبون شي باين.
٢)اللي مرة حريصين على الشكل الجمالي خصوصا اللي يشتغلون في اماكن معينة، كالتدريس او في البنوك او تكون واجهة تمثل عملها في الاجتماعات واللقاءات
٣)اللي قرب زواجها وماتبي شي باين يوم الزواج.
هو خيار ممتاز جدا للناس اللي مضايقها شكل التقويم👍
#توعية
#تقويم_لساني
#تقويم_داخلي
#تقويم_أسنان
#أطباء_هالة
#ديما_الشمري
ليست هناك تعليقات:
إرسال تعليق